SHIRIKA LA PAD KUTOKA SONGEA LAPONGEZA KAZI ZA WASAIDIZI WA KISHERIA ZINAZOFANYWA NA SHIRIKA LA MAPAO WILAYANI MAKETE
Bi.Suzana Mkwele kutoka Shirika la PAD Songea akiwa katika Mkutano wa pamoja na wasaidizi wa Kisheria kutoka kata zote za Wilaya ya Makete mkoani Njombe waliokutana Ofisi za Makao makuu ya Shirika la Wasaidizi wa Kisheria Wilayani hapa Kijiji cha Iwawa Makete Mjini.
Shirika
la PAD kutoka Mkoani Ruvuma limepongeza shughuli za usaidizi wa Kisheria
zinazofanywa na wasaidizi wa Kisheria Wilayani Makete chini ya Mkurugenzi wa
MAPAO Mch.Denis Sinene.
Pongezi
hizo zimetolewa hii leo na Bi.Suzana Mkwele kutoka Shirika la PAD Songea akiwa
katika Mkutano wa pamoja na wasaidizi wa Kisheria kutoka kata zote za Wilaya ya
Makete mkoani Njombe waliokutana Ofisi za Makao makuu ya Shirika la Wasaidizi
wa Kisheria Wilayani hapa Kijiji cha Iwawa Makete Mjini.
Huku
akipongeza jitihada zinazofanywa na wasaidizi hao Kisheria kwa kutoa msaada wa
kisheria kwa wananchi pamoja na ushirikiano Mkubwa walionao na Serikali katika
kuwasaidia wananchi kutatua migogoro mbalimbali wanayokumbana nayo kwa kufuata
haki.
“Nimepita
vituo vyote vya Wasaidizi wa kisheria kwa kanda hii lakini sijaona mshikamano
mlionao ninyi MAPAO na Serikali mko na ushirikiano mzuri sana nawapongeza
mno,lakini si hivyo tu hata huduma mnayoitoa kwa wananchi wa Makete kwa kweli
mnahitaji kupongezwa sana tena sana”Aliongeza Bi.Susaza Mkwele.
Wasaidizi
wa Kisheria kutoka kata Mbalimbali za Wilaya ya Makete akiwemo Jaclin Mbilinyi
kutoka kata ya Isapulano,Prosper Sanga maarufu kama tatizo kutoka kata ya
Kinyika pamoja na Bathromeo Mahenge kutoka kata ya Iniho wamepongeza uongozi wa
Shirika hilo ngazi ya Wilaya kwa kuanzisha Klabu za Wasaidizi wa Kisheria ngazi
za shule za Msingi na Sekondari.
Bathromeo
Mahenge Msaaidizi wa Kisheria kutoka kata ya Iniho amesema “kwanza niwapongeze
viongozi wetu kwa kazi nzuri mnayoifanya lakini niombe mje hata kwetu Iniho
kuna sekndari ya Mwakavuta pale lakini kuna shule nyingi tu za Msingi kwenye
kata ya Iniho mje mfungue Klabu za wanafunzi’’.
Mkurugenzi
wa Shirika la Wasaidizi wa Kisheria Wilayani Makete(MAPAO) Mch.Denis Sinene
amewataka wasaidizi wa kisheria kutoka kata zote kuendelea kutoa Elimu kwa
wananchi huku akiwasihi kufika shule za Msingi na Sekondari kwa ajili ya
kuwasaidia watoto kutambua haki zao za Msingi kupitia shirika hilo na wao kama
Viongozi wataendelea kuongeza nguvu katika kutoa Elimu ya Msaada wa kisheria
kwa shule mbalimbali Wilayani hapa.
Wakati huohuo Mkurugenzi wa MAPAO ametoa pongezi kwa Redio Kitulofm kwa kuendelea kuwaelimisha wananchi kuhusu Elimu inayotolewa na wasaidizi wa Kisheria kutoka kata mbalimbali Wilayani hapa pamoja na kutoa muda wa kurusha vipindi bure kila wiki mara moja vinavyohusu Msaada wa Kisheria
Mwanasheria
Halmashauri ya Wilaya ya Makete Ndg.Godfrey Gogadi ameelezea kufurahishwa kwake
na huduma zinazotolewa na Shirika hilo na kuongeza kuwa kwa sasa wananchi wengi
wamekuwa wakipata Msaada wa kisheria kutoka kwa wasaidizi hao na hata katika
ofisi yake malalamiko na wahitaji wa Msaada wa kisheria wamepungua kwa kuwa
wanapata huduma kutoka kwenye kata zao.
Pia
amewasihi wasaidizi hao kujiepusha na vitendo vya Rushwa katika utoaji wa huduma
ya Msaada wa Kisheria kwa wanaJamii na kufikia Lengo la kuwa na Jamii yenye
haki
Mwanasheria Halmashauri ya Wilaya ya Makete Ndg.Godfrey Gogadi akisisitiza wasaidizi hao kujiepusha na vitendo vya Rushwa wakati wa utoaji wa haki kwa wananchi
Wasaidizi wa Kisheria kutoka kata Mbalimbali za Wilaya ya Makete wakifuatilia maada zilizokuwa zikijadiliwa kwenye Mkutano huo uliofanyika hii leo ofisi za MAPAO Makete Mjini
No comments